Bu ölkədə ötən ay demək olar ancaq elektromobil satıldı

Avropanın əksər ölkələrində elektromobil satışı kəskin şəkildə azaldığı halda, Norveçdə əks proses gedir. 

Avtosfer.az xəbər verir ki, Norveçdə noyabr ayında 19 899 ədəd təzə maşın satılıb ki, bunlardan 19 427-si elektromobil olub. Başqa sözlə, elektromobillərin bazar payı 97,6 faiz olub. Bu elektromobil satışı tarixində dünya üzrə rekorddur. Ay ərzində satılan benzin, dizel və hibridlərin payı ayrı-ayrılıqda 1 faizdən az olub.

Norveç bazarında noyabrda əsas yeri 31 faizlə Tesla tutub. Növbəti yerləri alman markaları bölüşür. Çin elektromobillərinə bu ölkədə maraq yox dərəcəsindədir.

Vüqar