Elektromobil polisin işinə yaramadı

Daha ekoloji seçim və daha az xərc üçün Avstriya polisi 2024-cü ildə elektromobili sınaqdan çıxarmaq qərarına gəlib.

Avtosfer.az xəbər verir ki, polis bu məqsədlə 23 “Volkswagen ID.3” və bir “Porsche Macan” alıb. Müxtəlif briqadalarda xidmət aparan maşınlardan narazılıq ilk həftələrdən ortaya çıxıb.

Polis avtomobillərin keyfiyyəti ilə bağlı heç bir irad bildirməyib. Sadəcə olaraq, bu texnika polisin gündəlik işinə yaramır.

Batareyalar elə idarənin şəbəkəsindən dolsurulduğu üçün proses böyük vaxt alır. Təcili əməliyyat zamanı maşın çatışmır. Ən əsası isə mağistral yolarda və təqib zamanı elektromobildən istifadə etmək mümkün olmur. 

Qışın sərt keçməsi də təsirini göstərib. Boşalan batareyalara və artan elektrik sərfiyyatına görə polis yenə də dizel mühərrikli maşınların ümidinə qalıb. 

Avstriya polisinin 2 illik təcrübədən sonra qənaəti belədir: elektromobil mülki istifadəyə çox yaxşıdır, lakin gündəlik polis fəaliyyəti üçün yaramır. Elektromobillər polisdə yalnız xidməti avtomobil və təchizat maşını kimi istifadə edilə bilər.

Vüqar Yaşaroğlu