Elektromobil silah kimi istifadə edilə bilər – EKSPERT

Ətraf mühitlə bağlı vəziyyətin yaxşılaşdırılması üçün tətbiq edilən vasitələrdən biri də elektromobilə keçiddir. Lakin heç bir yenilik risksiz ötüşmür. 

Avtosfer.az xəbər verir ki, amerikalı ekspertlər elektromobillə bağlı həyəcan tədbiri çalırlar. Onların fikrincə internetə qoşulmuş avtomobillə manipulyasiya etmək mümkündür. Hakerlər elektromobilin detektorlarına müdaxilə edə bilərək kabuslar yarada bilər. Bu halda maşın olmayan maneəni “görərək” qəfil tormozlaya və ya kəskin manevr edə bilər. Yaxud minlərlə avtomobil məsafədən söndürülə, eyni istiqamətə yönləndirilə bilər. Geosiyasi gərginlik fonunda hansısa dövlətin hakerlərə belə tapşırıq verməsi ehtimalı kifayət qədərdir. Bir sözlə, elektromobildən silah kimi istifadə riski hər zaman qalır. 

Qərb ölkələri də bu risklərə qarşı tədbirlər planı hazırlayır. ABŞ Prezidenti Co Baydenin 2023-cü ildə imzaladığı fərmana görə elektromobillərdə Rusiya və Çin istehsalı olan çiplərin istisfadə qəti qadağan edilir. Fərman 2027-ci ilin yanvarında qüvvəyə minəcək. Buna qədər istehsalçılar yeni təchizatçı tapmalıdır.

Vüqar