Elektromobillər 5 dəqiqəyə şarj olunacaq - DETALLAR

Çinin elektrik avtomobil istehsalçısı BYD-nin 2024-cü ildə satışları ilk dəfə olaraq 100 milyard dollarlıq həddi keçərək "Tesla"nı geridə qoyub. İndi isə 5 dəqiqəlik şarj batareyasını təqdim edən şirkət elektromobil istehsalında dünya birincisi olmağa iddialı görünür.

Avtosfer.az xəbər verir ki, Çin avtomobil istehsalçısı bildirib ki, ən son Han L və Tang L modelləri 5 dəqiqəlik şarjdan 400 km (249 mil) məsafəni təmin edən Super E-Platform sistemi ilə təchiz ediləcək.

1000 kVt doldurma sürəti "Tesla" kompressorlarının 250 kVt sürətindən 4 dəfə sürətlidir. Baza Han L sedanının qiyməti 30 min 100 dollar olmaqla ən ucuz "Tesla Model 3"dən 10 min dollardan aşağıdır.

BYD-nin Tang L SUV modelinin qiyməti isə 32 min 700 dollardan başlayır. Super E-Platform doldurma texnologiyası keçən ay ilk dəfə təqdim edildikdə, BYD, istifadəçilərin yanacaq çənini doldurmaq üçün lazım olan müddətdə avtomobillərini təxminən eyni vaxtda doldurmağa imkan verdiyi açıqlayıb.

Qeyd olunub ki, səyahət zamanı istifadəçilərin məsafə narahatlığını tamamilə həll ediləcək.

Hələlik 4 min flaş doldurma stansiyası yalnız Çində mövcuddur. BYD hazırda Avropa tələbatını ödəmək üçün Macarıstanda fabrik qurur. Bu ilin sonundan başlayaraq fabrikdə ildə 300 min avtomobil istehsal etməyə başlayacaq. Şirkət həmçinin bu yaxınlarda gələcək modellər üzərində işləmək üçün Böyük Britaniyada tədqiqat və inkişaf mərkəzinin yaradılması planlarını açıqlayıb.

BYD Çində ən məşhur elektrik avtomobil istehsalçısıdır və ölkədəki bütün EV satışlarının təxminən üçdə birini təşkil edir. Daxili bazarda hökmranlıq etdikdən sonra şirkət son vaxtlar qlobal genişlənməyə diqqət yetirərək, keçən il dünyanın ən çox satılan EV istehsalçısı oldu.

ABŞ-da mövcud olmamasına baxmayaraq BYD "Tesla"nı geridə qoymağa bacarıb. İlon Maskın şirkəti son aylarda Avropada satışların azalması, eləcə də milyarderin ABŞ prezidenti Donald Trampa sədaqəti ilə əlaqəli olan səhmlərin kəskin ucuzlaşmasıyla mübarizə aparıb. (Musavat.com)