Elektromobillər artıq prioritet hesab edilmir

Çin ölkənin 2026-2030-cu illəri əhatə edən inkişaf planında elektrik avtomobillərini strateji sahələr siyahısından çıxarıb. Avtomobil sənayesinin bu seqmenti bazar təklifinin həddindən artıq olması problemləri səbəbindən on ildən çox müddət ərzində ilk dəfədir ki, Çinin strategiyasında yer almayıb.

Avtosfer.az xəbər verir ki, bu barədə "Reuters" məlumat yayıb.

Yeni enerji mənbəli avtomobillər, o cümlədən elektrik avtomobilləri, "plug-in hibrid"lər və yanacaqla işləyən avtomobillər, sənayenin rəqabət qabiliyyətini artırmağa yönəlmiş əvvəlki üç beşillik planda Çinin strateji inkişaf edən sahələr siyahısına daxil idi. Dövlət istehsalçılara milyardlarla dollar həcmində subsidiyalar verirdi ki, bu da Çinin dünya elektromobil bazarında lider mövqe tutmasına kömək edib.

Yeni planda iqtisadi artımın yeni hərəkətverici qüvvələri kimi kvant texnologiyaları, bioistehsal, hidrogen enerjisi və nüvə sintezi prioritet təşkil edir. Çin hökuməti tam beşillik planı gələn ilin mart ayında açıqlamağı planlaşdırır.

Son illərdə Çin dünyanın ən böyük avtomobil bazarına çevrilib. Bununla belə, eyni zamanda, o, istehsal gücünün həddən artıq olması, uzun sürən "qiymət müharibəsi" və həddindən artıq rəqabətlə üzləşib.