Hərbi pikap sınaqdan KEÇİRİLİR - Dizel və elektrik mühərriklə təchiz edilib - VİDEO

ABŞ Ordusu Almaniyada keçirilən “Combined Resolve” təlimi zamanı “Next Generation Tactical Vehicle-Hybrid” (NGTV-H) pikapını sınaqdan keçirməyə başlayıb.

Avtosfer.az xəbər verir ki, bu barədə Defence News yazır.

Bildirilir ki, ordu maşını 10-cu Dağ atıcı diviziyasının 3-cü briqadasına təhvil verib.

Yeni hərbi maşın “Transformation in Contact”ın təşəbbüsü çərçivəsində gətirilib və bu, döyüşə yaxın şəraitdə yeni inkişafları sınaqdan keçirməyə imkan verəcək.

Yüngül kəşfiyyat maşını “GM Defence” tərəfindən hazırlanıb.

“Chevrolet Silverado”nun şassisi əsasında hazırlanan avtomobil standart “Duramax” dizel və elektrik mühərrikləri ilə təchiz edilib.

Tərtibatçı qeyd edir ki, sürücü bir kliklə elektrik sürücüsünə keçə bilər.

Namiq Musayev