Hibrid avtomobillərin taleyi necə olacaq?

Avropada 2035-ci ildən etibarən yalnız elektromobillərin satışı qərara alınsa da, prosesə pessimist yanaşanlar çoxdur. Bunun bir səbəbi də avtomobil lobbilərinin fəaliyyətidir.

Avtosfer.az xəbər verir ki, Avropa Komissiyası avtomobil istehsalçıları ilə strateji dialoqa başlayıb. əsas müzakirə mövzuları Çinlə rəqabət və ABŞ-nin tətbiq etdiyi rüsumlardır.

Almaniyanın “Spiegel” nəşrinin məlumatına görə, tərəflər hibrid avtomobillərlə bağlı ilkin razılığa gəliblər. Avropa Komissiyası bu avtomobillərin 2035-ci ildən sonra da satışına etiraz etmir. Bir şərtlə ki, onların yanacağı sintetik olsun.

Digər tərəfdən, Komissiya elektrikə keçiddə ləngiyən şirkətlərə qarşı ciddi sanksiya da tətbiq edə bilmir. Siyasətçilər ehtiyat edirlər ki, istehsalçılara qoyulan kəskin tələblər ümumilikdə ittifaqın avtomobil sənayesini çökdürə və kütləvi işsizliyə səbəb ola bilər.

Vüqar