İkinci əl avtomobillərin qiyməti aşağı düşür - SƏBƏB AÇIQLANDI

"Hibrid avtomobil alınarkən güzəşt tətbiq edilir və bu güzəştin müddəti bu ilin sonunda bitir. Əgər güzəşt müddəti artırılmasa, yanvar ayından etibarən hibrid avtomobillər gömrükdən keçəndə 18% əlavə dəyər vergisinə cəlb olunacaqlar".

Avtosfer.az xəbər verir ki, bu fikirləri Redaktor.az-a iqtisadçı Xalid Kərimli Azərbaycana idxal olunan avtomobillərin sayının artmasından danışarkən bildirdi.

"İnsanlar nisbətən əlverişli qiymətə gələn bu avtomobillərə baxırlar, bu avtomobilləri alırlar. İkinci əl avtomobil bazarında insanlar avtomobillərini sata bilmirlər, qiymətlər aşağı düşüb. Çünki çox adam fikirləşir ki, gedib 25-30 minə köhnə ikinci əldən maşın alacağıma, 25-30 minə hibrid təzə avtomobil alım. Amma fikirləşməyək ki, hibrid avtomobillər çox gətirildiyinə görə onların qiyməti düşəcək. Əksinə, ikinci əl avtomobillərin qiyməti aşağı düşür. Avtomobil bazarının strukturu dəyişib. Əvvəl daha çox avtomobillər Avropadan, Amerikadan gətirilirdisə, indi daha çox Çindən, Koreyadan, Yaxın Şərqdən gəlir", - deyə iqtisadçı vurğuladı.