Pakistan motosikletdən elektromobilə keçmək istəyir

Məlumdur ki, motosikletin kütləviləşdiyi ölkələrdə həm yollarda xaos hökm sürür, həm də ekoloji vəziyyət ağırlaşır. Bu xüsusda İslamabad və Kəraçi kimi böyük şəhərlər də istisna deyil. 

Avtosfer.az xəbər verir ki, Pakistan hökuməti də elektromobilə keçidi sürətləndirmək və yerli elektromobil istehsalını tezləşdirmək planı üzərində düşünür. Dövlət Şurasının nümayəndəsi Zişan Əşrəf bildirib ki, ilk milli elektromobil bütünlüklə Pakistanda istehsal ediləcək.

Elektromobilin istehsalına nəqliyyat vasitələrinin sürətlə elektrikləşdirilməsi (Pakistan Accelerated Vehicle Electrification - PAVE) layihəsi çərçivəsində iyunda başlanacaq. Artıq gələn ay batareya istehsal edən müəssisə işə düşəcək. 

Hökumət yeni elektromobilin alışını subsidiyalaşdıracaq. Yeni maşının satış qiyməti 1 milyon rupi (3560 dollar) olacaq.

Vüqar