“Porsche” strategiyanı dəyişir – SƏBƏB

Avropada elektromobil satışının gözlənildiyi kimi getməməsi istehsalçıları seçimn qarşısında qoyur. Müflis olmamaq üçün bütün isthsalçılar daxiliyanma mühərriklərindən imtinanı təxirə salırlar. 

Avtosfer.az almandilli “Automobilwoche” saytına istinadla xəbər verir ki, “Porsche” şirkəti real vəziyyəti dəyərləndirərək strategiyasına dəyişiklik edib.  Bu dəyişiklik də elektrik dartısına keçidin başqa tarixə keçirilməsidir. Bir neçə ay sonra təqdimatı gözlənilən 718 modelinin 2026-cı ildən tez işıq üzü görəcəyi şübhə doğurmur. Təchizatçılarda “Porsche” arasında danışıqlar hələ ki nəticəsiz qalıb.

Ən çox satılan modellərdən olan “Cayenne”də ciddi yenilənmə deyil, kiçik dəyişikliklər ediləcək. Yeni platformanın hazırlanması isə təxirə salınıb. “Panamera” modelinin isə 2030-cu ilədək konveyerdə qalması gözlənilir. Bu da firmanın tarixində hansısa modelin istehsal müddətinin ən ciddi şəkildə uzadılması hallarından biri olacaq.

Vüqar Yaşaroğlu