"Porsche"nin satışları 6% azaldı

"Volkswagen" qrupuna daxil olan Almaniyanın premium avtomobil istehsalçısı "Porsche"nin satışları bu ilin birinci yarısında 6% azalıb.

Avtosfer.az xəbər verir ki, bu barədə şirkətin hesabatında deyilir.

Buna səbəb Çin və Almaniyada tələbin azalması olub. Satılan avtomobillərin ümumi sayında elektriklə işləyən avtomobillərin payı isə 23,5 faiz təşkil edib.

Şirkətin aprel-iyun aylarında satışları 146 391 ədədə qədər azalıb. Ötən ilin eyni dövründə 155 945 ədəd avtomobil satılıb.

Hesabatda qeyd olunur ki, Çində "Porsche" avtomobillərinin satışı 28% azalıb ki, bu da həm çətin bazar şərtləri, həm də Çin bazarında yüksək rəqabətlə bağlıdır. Almaniyada "Porsche" satışları 23%, Avropada 8% azalıb, Şimali Amerikada və digər bazarlarda 10% artıb.

Qeyd olunur ki, Şimali Amerika "Porsche"nin ən böyük bazarı olaraq qalır və ilin birinci yarısında regionda satış rekordu 43 577 avtomobilə çatıb.(iqtisadiyyat.az)