Qadınlar, yoxsa kişilər az qəza TÖRƏDİR? - STATİSTİKA

Rusiyada aparılan araşdırmaya görə, qadınlar kişilərdən daha az qəza törədir.

Avtosfer.az yerli mediaya istinadən xəbər verir ki, bu, ölkədəki sığorta şirkətlərindən birinin apardığı araşdırma zamanı məlum olub.

Qeyd olunub ki, qadınlar kişilərdən daha çox avtomobillərini sığortalayır. Onların bağladığı sazişlər şirkətdə mövcud olan bütün pərakəndə satış müqavilələrinin 55%-ni təşkil edir.

Statistikaya görə, kasko sığortası etdirən qadınların 26 faizi hadisələrlə bağlı şirkətə müraciət edib, eyni problemlərlə üzləşən kişilərin payı isə 23 faizdir.

Bundan əlavə, kasko müqaviləsi imzalayan qadınlardan 38 faizi qəza törətdiyi halda, kişilər arasında bu göstərici 40 faizə bərabər olub.

Namiq Musayev