Rusiya avtomobil sənayesi üçün bədbin proqnoz

2022-ci ildə Ukrayna müharibəsinin başlaması Rusiyada avtomobil sektoruna ciddi zərbə vurdu. Avropa markaları bazarı tərk etdi, ənənəvi istehsalçılar istehsalı aşağı saldı. 1 il sonra çinlilərin gəlişi ilə vəziyyət yaxşılaşdı, amma müvəqqəti.

Avtosfer.az xəbər verir ki, Avropa Avtomobil Konstruktorları Assosiasiyasınım ekspertləri Rusiyanın avtomobil sənayesi barədə pronoz veriblər. Göstərilir ki, martda Federasiyada 82 600 avtomobil satılıb. Bu da illik əsasda 45 faiz geriləmə deməkdir. Bu il isə ölkədə ən çoxu 1 milyon ədəd yəzə maşın satılması gözlənilir. Satışlar

azaldığı üçün satış məntəqələri bağlanacaq, əsas istehsalçı olan Avtovaz istehsal tempini azaldacaq. Bu da işsizlik göstəricisinə təsirsiz ötüşməyəcək. Çinli istehsalçılar da bazarı tərk edirlər. Onlar satılmayan maşınlardan qurtulmaq üçün bəzən 10 min dollar endirimə gedirlər.

Rus avtomobil bloqerlərinə görə Avtovaz hökumətdən keçmiş partnyoru "Renault"nu bazara buraxmamağı tələb edib. Tolyattili istehsalçı faktı təkzib etsə də, əksəriyyət bunu real hesab edir.

Bundan əlavə, avropalı və müstəqil rus ekspertlər bir məsələdə həmrəydirlər: koreyalı istehsalçılar geri qayıtsa, Avtovaz böhran keçirəcək.

Vüqar Yaşaroğlu