Servisdən elektromobil sahibinə tövsiyə: maşını sat, qurtul

Belə bir qəribə halla belçikalı Mercedes sahibi rastlaşıb. 
 
Avtosfer.az “Le Journal Economique”ə istinadla xəbər verir ki, Belçika vətəndaşı 2022-ci ilin yanvarında Mercedes EQV alıb. 5 000 kilometr qət etmiş avtomobilə 74 000 (148 000 AZN) ödəyən şəxs həm son texnologiyalı elektromobil aldığını, həm də qənaət edəcəyini düşünüb.

İlk vaxtlar lüks avtomobildə hər şey qaydasınad gedib. Lakin son 1 ayda batareyanın indikatoru daimi yanmağa başlayıb, qəribə səs yaranıb. 

Avtomobili servisə apardıqda məlum olub ki, elektrik mühərrikində problem yaranıb. Bunun yenisi ilə əvəzlənməsi isə 10 min avro (17 000 manat) tələb edir. Lakin servisdə nasazlığı aradan qaldırmaq əvəzinə ona maraqlı “məsləhət verilib”: mümkün qədər tez sat canını qurtar. 

Elektromobilə bütün istismar müddətində rəsmi servisdə qulluq etdirmiş belçikalının zəmanət çərçivəsində mühərriki dəyişdirmək cəhdi də boşa çıxıb.

Ona bildirilib ki, maşını özü Almaniyadan alıb gətirdiyi üçün zəmanətdən kənarda qalıb. 

Yerli ekspertlər bildirirlər ki, bu “əsaslandırma” bütün rəsmi servislərin ortaq yalanıdır.

Vüqar