1 tondan çox narkotik aşkarlanıb

İranın İsfahan vilayətində polisin keçirdiyi əməliyyat nəticəsində 1 tondan çox narkotik maddə aşkarlanıb. Avtosfer.az-ın Trend-ə istinadən verdiyi məlumata görə, bunu İranın İsfahan hüquq-mühafizə orqanının rəisi Mehdi Məsumbeygi deyib. M.Məsumbeyginin sözlərinə görə, əməliyyat nəticəsində 1 ton tiryək, 10 kq heroin, 2 kq həşiş, 3 kq ekstazi aşkarlanıb. Məsumbeygi əlavə edib ki, 5 peşəkar narkotik qaçaqmalçısı və 4 ədəd avtomobil saxlanıb.

Polis rəisi 3,5 ay ərzində İsfahan vilayətində 13 tondan çox narkotik maddənin aşkarlandığını deyib. Bu da ötən ilin analoji dövrü ilə müqayisədə aşkarlanan narkotik maddələrin 7% artdığını göstərir.