140 milyon dollar dəyərində narkotik daşıyan furqon polis maşınına çırpılıb - FOTO

Avstraliyada 140 milyon dollar dəyərində narkotik maddə daşıyan furqon tipli avtomobil yol kənarında dayanmış polis maşınına çırpılıb.

Avtosfer.az “RİA Novosti”yə istinadən xəbər verir ki, hadisə iyulun 22-si Sidney şəhərinin şimal-qərbində qeydə alınıb. Bu barədə “Sydney Morning Herald” nəşri məlumat yayıb.

Məlumata görə, qəzadan sonra 26 yaşlı sürücü hadisə yerindən qaçaraq gizlənib. Təxminən 1 saatdan sonra polis əməkdaşları onu və furqonu tapıblar. Avtomobildə aparılan axtarış zamanı oradan 273 kiloqram narkotik maddə olan metamfetamin aşkarlanıb.

Sürücü həbs edilərək şöbəyə gətirilib. Ona bir neçə maddə ilə ittiham irəli sürülüb.

Hüquq-mühafizə orqanları tərəfindən araşdırmalara davam etdirilir.

Namiq