3 qatlı moteldə dəhşətli yanğın: 6 ölü, 13 yaralı - FOTO

ABŞ-da moteldə baş verən yanğın nəticəsində 6 nəfər ölüb, 13 nəfər isə xəsarət alıb. Avtosfer.az xəbər verir ki, insident Las-Veqas şəhərinin “Alpine Motel Apartments” motelində qeydə alınıb. Bu barədə "lasvegassun.com" portalı məlumat yayıb.

Bildirilir ki, alov, gecə saatlarında 3 mərtəbəli motel binasını bürüməyə başlayıb. Yanğınsöndürmə briqadasının əməkdaşları hadisə yerinə gələndə, ikinci mərtəbənin pəncərələrindən sallaşmış insanları aşkarlayıb, bir neçəsi də özlərini binadan aşağıya atıblar.

Yaralılar xəstəxanalara yerləşdiriliblər. Yanğınsöndürmə əməkdaşlarından zərərçəkən olmayıb.

Müvafiq qurumlar tərəfindən yanğının baş vermə səbəbləri araşdırılır.

Namiq Musayev