30 ədəd plastik butulka gətir, metroya bilet al

Roma meriyası plastik butulkaların emalı ilə bağlı pilot layihəyə start verib. Avtosfer.az xəbər verir ki, plastik butulka gətirənlər qarşılığında metroda gediş üçün bilet alacaqlar. Bu barədə şəhər meri Vircinya Radji öz “Facebook” səhifəsindən deyib.

İl ərzində Roma metrosunun 3 stansiyasında 3 xətt üzrə xüsusi qəbul edici maşınlar işləyəcək.

Hər butulka 5 avro sent dəyərində qiymətləndiriləcək, beləliklə, bu stansiyalardan istifadə etmək istəyən sərnişinlər bir gediş üçün 30 ədəd plastik butulka gətirməli olacaqlar.

Əldə olunan bonus maşın vasitəsi ilə sərnişinin hesabına göndəriləcək və gedişə icazə veriləcək.

Radji qeyd edib ki, 3 stansiyadan toplanılacaq butulkalar təkrar istifadə üçün emala göndəriləcək.

Onun sözlərinə görə, Roma plastiki biletə dəyişmək üzrə ilk Avropa ölkəsi olub.

Namiq Musayev