36 yaşlı şəxs restoranın qarşısında huşsuz vəziyyətdə aşkar edilib - Bakıda

Bakının Binəqədi rayonunda 36 yaşlı şəxs naməlum şəkildə xəsarət alıb. Avtosfer.az “Report”a istinadən xəbər verir ki, hadisə rayonun 7-ci mikrorayon ərazisində yerləşən Oğuzxan restoranın qarşısında qeydə alınıb. 1983-cü il təvəllüdlü Əsgərov Fuad Füzuli oğlu təcili yardımın köməyi ilə xəstəxanaya çatdırılıb.

Müayinə zamanı ona qapalı kəllə-beyin travması diaqnozu qoyulub. Faktla bağlı Binəqədi Rayon Polis İdarəsində araşdırma aparılır.

Qeyd edək ki, yaralı huşsuz vəziyyətdə aşkar edilib.