4 avtomobilin iştirakı ilə baş verən partlayışda: 19 ölü, 32 yaralı

Misirdə avtomobil qəzasından sonra baş verən partlayış nəticəsində 19 nəfər ölüb, 32 nəfər isə xəsarət alıb. Avtosfer.az “TASS”a istinadən xəbər verir ki, insident Qahirə şəhərinin Xərçəng İnstitutu yaxınlığında qeydə alınıb. Bu barədə “Reuters” agentliyi məlumat yayıb.

Məlumata görə, əks yola çıxan avtomobil 3 nəqliyyat vasitəsi ilə toqquşub və bundan sonra partlayış olub.

Hadisənin qəsdən törədilib-törədilməməsi barədə yerli DİN-nin yaydığı məlumatda yer almayıb.

Qəzada Xərçəng İnstitutunun infrastrukturuna ciddi ziyan dəyib. Xəstələr və tibb personalı evakuasiya olunub.

Misir baş prokuroru partlayışın səbəblərini təcili araşdırılması üçün göstəriş verib.

Hadisə yerinə müstəntiqlər qrupu göndərilib.

Namiq Musayev