45 seçiciyə rüşvət verilibmiş - 7 nəfər saxlanıldı

Ermənistanın Korrupsiyaya Qarşı Mübarizə Komitəsi və Daxili İşlər Nazirliyinin Cinayət Polisi İdarəsinin Kotayk vilayət şöbəsinin əməkdaşları tərəfindən birgə əməliyyat keçirilib.

Avtosfer.az Ermənistan mətbuatına istinadən xəbər verir ki, əməliyyat nəticəsində seçkilərdə rüşvətvermə sxeminin üstü açılıb və şəbəkə zərərsizləşdirilib.

Araşdırmalar zamanı təxminən 45 seçiciyə ümumilikdə 7,5 milyon Ermənistan dramı (təqribən 32 500 AZN) məbləğində seçki rüşvəti verilməsi cinayət mexanizmi müəyyən edilib.

Qanunsuz sxemin ifşa edilməsi çərçivəsində keçirilən xüsusi əməliyyatla hadisəyə mane olan 7 nəfər şübhəli şəxs qismində saxlanılıb.

Faktla bağlı istintaq tədbirləri davam etdirilir.