70-ə yaxın avtomobilin təkərini deşən şəxs saxlanılıb

Rusiyanın Moskva əyalətində polis 70 yaxın avtomobilin təkərini deşən şübhəlini saxlayıb. Avtosfer.az xəbər verir ki, insident Podolski şəhərində qeydə alınıb. Bu barədə Moskva əyaləti üzrə DİN Mətbuat Xidmətindən məlumat verilib.

Məlumata görə, gecə saat 01.00 radələrində şəhərdə yerləşən çoxmərtəbəli binalardan birinin qarşısında park edilmiş avtomobillərin təkərlərini deşən naməlum şəxslə bağlı məlumat daxil olub.

Məlumat əsasında dərhal deyilən ünvana polis əməkdaşları təhkim edilib. Nəticədə hadisəni törətməkdə şübhəli bilinən şəxs polis əməkdaşları tərəfindən yaxalanıb.

Mətbuat xidmətindən həmçinin bildirilib ki, 70-ə yaxın avtomobilə ziyan dəyib.

Hazırda araşdırmalar aparılır.

Namiq Musayev