ABŞ-da polis iti cinayətkarı yaxalamaq üçün avtomobilin şüşəsini deşib

ABŞ-da "Dyuk" ləqəbli polis iti cinayətkarı saxlamaq üçün avtomobilin pəncərəsini deşərək nəqliyyat vasitəsinin içinə tullanıb.

"Report"un məlumatına görə, bu barədə "Fox News" telekanalı bildirib.

Telekanalın məlumatına görə, polis əməkdaşları silahlı hücumda şübhəli bilinənin şəxsin avtomobilini təqib ediblər. Şübhəli şəxs avtomobildən çıxmaqdan imtina edib. Bu zaman polislərdən biri avtomobilin pəncərəsini sındırıb və it içəri tullanıb.

Nəticədə şübhəli şəxs - 31 yaşlı Xulio Uqalde Vaskes həbs edilib. O, yüngül xəsarətlərlə xəstəxanaya çatdırılıb.

Telekanal həmçinin qeyd edib ki, it daha əvvəl ABŞ-ın İraqdakı dəniz piyada qoşununa xidmət edib.