ABŞ-İsrail qüvvələrinin İrana hücumu qızılın qiymətini artıracaq - EKSPERT

Son günlər ABŞ-İsrail qüvvələrinin İrana hücumu nəticəsində dünyanın iqtisadi sabitliyində bir sıra problemlər ortaya çıxmağa başlayıb.

Avtosfer.az xəbər verir ki, İranın milli pulunun dollarla müqayisədə 0 ekvivalentində olması dövlətin iqtisadi imkanlarına mənfi təsir edir. Belə ki, İran artıq uzun müddətdir ki, ölkənin müdafiə xərclərini qızılla qarşılayır. Bu da dünya birjasında qızılın qiymətinə ciddi təsir edir.

Beynəlxalq ictimaiyyət isə hazırkı müharibənin qızılın qiymətinə necə təsir edəcəyini sual edir.

Mövzu ilə bağlı iqtisadçı ekspert Xalid Kərimli Avtosfer.az-a açıqlamasında bildirib ki, qızılın qiyməti İranın müdafiə xərcləri üçün qızılla mübadilələr etməsindən asılı deyil:

“Lakin ABŞ-İran münaqişəsinin qızıla artırıcı təsiri var və bu qiymətlərdə artıq öz əksini tapır. Amma müharibənin şiddətlənməsi, ərazinin genişlənməsi və uzunmüddətli hala çevrilməsi riskləri artıracağına görə qızılın qiymətinə də təsir göstərə bilər. Yəni, müharibələr, qeyri-müəyyənliklər qızılın qiymətini qidalandırır. Ona görə də qızılın qiyməti ilə bağlı riskləri müharibələr artırır. Buna görə də həmin risklərdən qorunmağın ən asan üsulu dövlətlər üçün məhz qızıldır”.

Ekspert həmçinin onu da vurğulayıb ki, hazırda dünya birjasında qızılın qiymətinin kəskin artacağı ilə bağlı mülahizələr indidən dolaşır.

Səfər