ABŞ Müctəba Xameneinin başına 10 milyon dollar pul qoydu

ABŞ İranın yeni ali lideri Müctəba Xameneinin yerinin müəyyənləşdirilməsi ilə bağlı məlumat verənlərə 10 milyon dollar mükafat vəd edib.

Avtosfer.az xəbər verir ki, bu barədə "United States Department of State" məlumat yayıb.

Bildirilib ki, mükafat təklifi qurumun "Rewards for Justice Program" çərçivəsində elan olunub. Proqram “İranın terrorçu liderləri” kimi təqdim edilən şəxslər haqqında məlumat axtarıldığını açıqlayıb.

Qeyd olunub ki, həmin şəxslər SEPAH strukturunun müxtəlif bölmələrinə rəhbərlik edir və dünya üzrə terror fəaliyyətlərini planlaşdırmaq, təşkil etmək və həyata keçirməkdə ittiham olunurlar.

Siyahıda İranın kəşfiyyat naziri Esmail Khatib, ali dini liderin aparat rəhbərinin müavini Əli Əsgər Hecazi, baş hərbi müşavir Yəhya Rəhim Səfəvi və İranın daxili işlər naziri Eskandar Momeni yer alır.