Abşeron qəsəbələrindən Bakıya yeni marşrut xətləri açılacaq

Abşeron rayonunun Novxanı və Saray qəsəbələrindən Bakı və Beynəlxalq Avtovağzal Kompleksi istiqamətində hərəkət edən avtobuslardan kifayət qədər şikayətlər daxil olub. Bunu Avtosfer.az-a Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova deyib. Onun sözlərinə görə, həmin ərazilərdə monitorinq aparılıb və növbəti ildən etibarən bu istiqamət üzrə yeni marşrut xətlərinin açılacağı gözlənilir.  “Hər bir marşrut xətt üzrə 10-dan çox avtobus istismara veriləcək”, - deyə N. Allahyarova qeyd edib.