Ağsuda müəllim dərs zamanı ölüb

Ağsu rayonunda müəllim dərs zamanı ölüb. Avtosfer.az "Report"a istinadən xəbər verir ki, hadisə Ağsu şəhər 4 saylı tam orta məktəbində baş verib. Belə ki, həmin məktəbin əmək təlimi müəllimi Şeydayeva Rəhilə Rza qızı dərs zamanı sinif otağında birdən huşunu itirərək yerə yıxılıb. Hadisə yerinə Təcili Tibbi Yardım Stansiyasının həkimləri çağırılıb. Onun ürək tutmasından dünyasını dəyişdiyi məlum olub. O, 87 saylı Ağsu-İsmayıllı Dairə Seçki Komissiyasının üzvü olub.

Faktla bağlı araşdırmalara başlanılıb.