Albaniyada 6.4 bal gücündə zəlzələ baş verdi: azı 13 ölü, 600 yaralı - FOTO (YENİLƏNİB)

Albaniyanın paytaxtı Tirana yaxınlığında 6.4 bal gücündə baş verən zəlzələ nəticəsində ölənlərin sayı azı 13-ə, yaralanların isə 600 nəfərə çatdığı bildirilib. Avtosfer.az xəbər verir ki, bu barədə ölkənin Müdafiə Nazirliyi məlumat yayıb.

********* 10.00

Albaniyanın paytaxtı Tirana yaxınlığında 6.4 bal gücündə zəlzələ baş verib. Avtosfer.az "TASS"a istinadən xəbər verir ki, təbiət hadisəsi noyabrın 26-da səhər saatlarında Şijak şəhərində qeydə alınıb. “Koha Jone” nəşrinin məlumatına görə, nəticədə azı 7 nəfər ölüb, 325 nəfər isə xəsarət alıb. Yaralılar Durresa və Tiran şəhərlərində yerləşən xəstəxanalara yerləşdirilib. Bundan əlavə, xilasetmə xidmətinə kömək üçün 400-dən artıq zənglər daxil olub.

Nəşr həmçinin qeyd edir ki, Albaniya hökuməti, Tiran, Durres və Leju olmaqla ölkənin daha 3 şəhərinin təhsil müəssisələrində dərslərin dayandırılmasına qərar verib.

ABŞ-ın Geoloji Təhqiqatlar Xidməti, yeraltı təkanlar Şijak şəhərindən 10 km şimal-qərbdə qeydə alındığını, zəlzələnin ocağı 10 km dərinlikdə olduğunu bildirib.

Təkanlar, Şimali Makedoniyada, Serbiyada, Çernoqoriyada, Bosniya və Herseqovinada, Yunanıstanda, Xorvatiyada və İtaliyanın bəzi şərqi əyalətlərində hiss olunub.

Namiq Musayev