Ata dörd yaşlı oğlunu ilanının ağzından qurtardı - FOTO

Avstraliya sakini 4 yaşlı oğlunu pitondan xilas edib. Avtosfer.az xəbər verir ki, insident Erli-Biç şəhərində qeydə alınıb.

Məlumata görə, ailə yeni evə köçmələrini qeyd edən zaman, ata evin arxa bağçasından oğlunun qışqırıq səslərini eşidib. Qışqırığa qaçan ata, 4 metrlik piton ilanının oğlunun ayağından dişləyərək sürüdüyünü görüb. Qorxmuş ata ilana yumruqla zərbələr endirməyə başlayıb. Zərbələrin ardınca piton bir neçə saniyəlik oğlanı buraxsa da, sonra yenidən sürütməyə davam edib. Bu dəfə ata əliylə ilanın ağzını aralayaraq oğlunu xilas edib və pitonu öldürüb.

Daha sonra oğlan xəstəxanaya çatdırılaraq cərrahiyyə əməliyyat olunub. Onun səhhətinin normal olduğu bildirilir.

Namiq Musayev