Autizm xəstəsi körpəni 6 mərtəbədən avtomobilin üzərinə atdı - FOTO

İstanbulda autizm xəstəsi olan xalası oğlu tərəfindən 6-cı mərtəbədən atılan 2.5 yaşlı Yunis körpə həyat mübarizəsi aparır. Avtosfer.az yerli mətbuata istinadən xəbər verir ki, qan donduran hadisə şənbə gün Əsənlər rayonunda baş verib. Məlumata görə, 2.5 yaşlı Yunis Efe Özay anası ilə birlikdə Əsənlərdə xalasının 6-cı mərtəbədə yaşadığı mənzilinə qonaq gedib. Anası ilə xalasının söhbəti əsnasında balaca Yunis 17 yaşlı autizm xəstəsi olan xalası oğlu tərəfindən 6-cı mərtəbədən aşağı atılıb. Atılan uşaq park edilmiş avtomobilin üzərinə düşüb. Hadisədən dərhal sonra yaxınları və ətrafdakı vətəndaşlar tərəfindən xəstəxanaya çatdırılan Yunis reanimasiya şöbəsinə yerləşdirilib. Onun həyatı təhlükəsinin olduğu bildirilir.

Polis hadisə ilə bağlı araşdırmalara başlayıb.

Namiq Musayev