Avropada aviadaşımalarla bağlı yeni qaydalar bahalaşmaya səbəb ola bilər

Avropa Parlamenti ittifaq ölkələrində aviasərnişinlərin hüquqlarına dair yeni qaydalarla bağlı razılığa gəlib. 

Avtosfer.az xəbər verir ki, təşəbbüsə əsasən, 2027-ci ildən etibarən sərnişinlər kiçik çanta və ya bel çantasını təyyarənin salonuna ödənişsiz götürə biləcəklər. Bundan başqa, biletin əl yükü ilə birgə qiyməti bronlaşdırmanın ilkin mərhələsində göstərilməlidir. Həmçinin aviaşirkətlər sərnişinlərə reyslərin gecikməsi və ya ləğvi ilə bağlı kompensasiyalar haqqında daha aydın məlumat verməli olacaq.

Yeni qaydalara əsasən, aviadaşıyıcılar 14 yaşadək uşağın onu müşayiət edən böyük şəxslə yanaşı əyləşdirilməsinə görə əlavə ödəniş tələb edə bilməyəcək.

Avropa Parlamenti bəyan edib ki, razılaşma həm sərnişinlər, həm də aviaşirkətlər üçün şəffaflığı artıracaq. “Airlines for Europe” assosiasiyası isə xəbərdarlıq edib ki, yeniliklər aviabiletlərin qiymətlərinin bahalaşmasına səbəb ola bilər.

Vüqar