Avtodayanacaqda dəhşətli yanğın: 13 “Ford" yandı - FOTO

Rusiyanın Moskva ətrafı rayonlarından birində avtodayanacaqda yanğın baş verib. Avtosfer.az xəbər verir ki, insident bu gün gecə saatlarında Ramenskoy rayonunun Drujba qəsəbəsində qeydə alınıb.

Yerli FHN-nin mətbuat xidmətindən bildirilib ki, “Aqroprom” zavodu yaxınlığında yerləşən avtodayanacağın ümumilikdə 200 kvadrat metr ərazisi yanıb. Nəticədə 13 ədəd “Ford Transit” markalı mikroavtobus yanaraq yarasız vəziyyətə düşüb. Alov mühafizə bölmələri tərəfindən söndürülüb.

Hadisənin baş vermə səbəbləri araşdırılır.

Namiq Musayev