Avtomobil insanların üzərinə sürüldü: 18 yaralı

Kolumbiyada sürücü avtomobili insanların üzərinə sürüb. Avtosfer.az-ın Trend-ə istinadən xəbərinə görə, bu barədə "RİA Novosti" məlumat yayıb. Məlumatda bildirilir ki, hadisə La-Kumbre bələdiyyəsində baş verib. Belə ki, idarəetmədən çıxan avtomobil insanları vurub.

İnsident nəticəsində 18 nəfər yaralanıb. Yaralılar xəstəxanaya çatdırılıb. İlkin məlumatlara görə, avtomobilin əyləc sistemində nasazlıq yaranıb.