Avtomobil oğrusu tutulub - Bakıda

Bakıda avtomobil oğrusu tutulub. Daxili İşlər Nazirliyinin (DİN) mətbuat xidmətindən Avtosfer.az-a verilən məlumata görə, iyulun 7-də Xocasən qəsəbəsi ərazisindən qəsəbə sakini E.Əsgərova məxsus “VAZ-2107” markalı avtomobilin qaçırılması barədə Binəqədi Rayon Polis İdarəsinin 40-cı Polis Bölməsinə müraciət daxil olub. Dərhal keçirilmiş əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Bakı şəhər sakini, əvvəllər məhkum olunmuş R.Ağazadə saxlanılıb. Davam etdirilən əməliyyat-axtarış tədbirləri ilə avtomobil iyulun 9-da saat 19 radələrində 1-ci Alatava yaşayış sahəsində tapılıb.

Faktla bağlı araşdırma aparılır.

Namiq