Avtovağzalda bomba yüklü maşın partladıldı: 18 ölü, 30 yaralı - FOTO

Suriyanın Əl Bab şəhərində bomba yüklü avtomobilin partladılması nəticəsində ilkin məlumatlara görə, 18 nəfər ölüb, daha 30 nəfər isə xəsarət alıb. Avtosfer.az xəbər verir ki, insident günorta saatlarında şəhər mərkəzində yerləşən avtovağzalda qeydə alınıb.

Bildirilir ki, bomba yüklü avtomobil avtovağzalın qarajlarının birinə park edilərək uzaqdan idarəetmə ilə partladılıb. Partlayışda bir çox iş yerinə və çox sayda nəqliyyat vasitəsinə zərər dəyib. Yaralılar ambulanslarla xəstəxanalara çatdırılıblar.

Təhlükəsizlik qüvvələri tərəfindən araşdırmalara başlanılıb.

Namiq Musayev