AYNA-nın quraşdırdığı dayanacağı vətəndaşlar görün nə hala salıb - VİDEO

Azərbaycan Yerüstü Nəqliyyat Agentliyinin (AYNA) Azadlıq metrosunun yaxınlığında qurduğu müasir dayanacaq vətəndaş məsuliyyətsizliyi səbəbindən yararsız vəziyyətə düşüb. Sosial şəbəkələrdə yayılan görüntülər ictimai narazılıq doğurub.

Avtosfer.az xəbər verir ki, paylaşılan videogörüntülərdə dayanacağın içərisində siqaret çəkildiyi, zibil qabı olmasına baxmayaraq su butulkalarının və digər tullantıların yerə atıldığı əks olunub. Ərazidə ictimai nəzarətsizlik dayanacaqda bu cür antisanitar vəziyyətin yaranmasına gətirib çıxarıb.

Müasir dayanacaqlar sərnişinlərin rahatlığı və paytaxtın şəhərsalma görünüşünün yaxşılaşdırılması üçün qurulub. Lakin vətəndaşların qaydalara əməl etməməsi, həmçinin ətrafda nəzarətin yetərincə olmaması nəticəsində belə xoşagəlməz mənzərə yaranır.

Eltac Züflüqaroğlu