Azadlıq prospektindəki “cib” yığışdırılmalıdır - EKSPERT

Paytaxt ərazisində bir sıra küçələrdə əvvəllər yaradılan “cib”lərin bir çoxu bu gün öz effektini göstərmir.

Avtosfer.az xəbər verir ki, bu barədə nəqliyyat eksperti Anar Əliyev öz sosial şəbəkə hesabında paylaşım edib. O bildirib ki, Azərbaycan Dövlət Neft və Sənaye Universitetinin qarşısındakı səki təmir olunur. Bu fürstədən istifadə edərək Azadlıq prospektində əvvəlki illərdən qalan “cib”i ləğv eləmək əsl yerinə düşərdi.

“Mən bu məsələni ötən ildən təklif etmişəm. Ayda-ildə bir dəfə belə işlərə vəsait ayrılırsa, onu daha səmərəli istifadə etmək lazımdır”.

Qeyd edək ki, bir sıra ölkələrdə səkidən kəsilərək avtomobillərin parklanması üçün ciblərin təşəkil edilməsi yığışdırılıb və artıq nəqliyyat axınının davamlılığı üçün yeni metodların istifadəsinə başlanılıb.

Səfər