AZAL Bakı-Maskat aviareysini açmağı planlaşdırır - FOTO

"Azərbaycan Hava Yolları" (AZAL) QSC aviaşirkəti Bakı-Maskat aviareysini açmağı planlaşdırır. Avtosfer.az xəbər verir ki, bu barədə Azərbaycanın Omandakı səfirliyi məlumat yayıb. Bildirilib ki, AZAL Omanın paytaxtında Bakı-Maskat çarter reysinin təqdimat mərasimini keçirib. Tədbirdə Azərbaycanın Omandakı səfiri Rəşad İsmayılov iştirak edib. Mərasimdə çıxış edən diplomat yeni reysin turizm, biznes və insanlararası əlaqələrin inkişafına töhfə verəcəyini vurğulayıb.