AZAL bu il Gürcüstana 52 minə yaxın sərnişin daşıyıb

Bu ilin yanvar-iyun aylarında “Azərbaycan Hava Yolları” QSC (AZAL) Gürcüstana 51 927 sərnişin daşıyıb. Avtosfer.az “Report”a istinadən xəbər verir ki, bu barədə Gürcüstanın Mülki Aviasiya Agentliyinin hesabatında bildirilib. Hesabat dövründə şirkətin Gürcüstanın mülki aviasiya bazarındakı payı 2% təşkil edib. Ümumilikdə isə bu ilin I yarısında xarici aviaşirkətlər Gürcüstana, 2 159 047 sərnişin daşıyıb. Bu baxından I yeri 348 850 sərnişinlə Macarıstanın aşağı büdcəli “Wizz Air” şirkəti tutub. Onun Gürcüstan bazarındakı payı 14% təşkil edib. II yerdə “Gürcüstan Hava Yolları” şirkəti (260 774 sərnişin), III yerdə isə “Türk Hava Yolları” şirkəti (255 066 sərnişin) qərarlaşıb.