Azərbaycan "Premium" benzin idxalını 20 dəfə artırıb

Bu ilin yanvar-iyul aylarında Azərbaycan 99 milyon 922 min ABŞ dolları dəyərində 103 min 688 ton "Aİ-95" ("Premium") markalı avtomobil benzini idxal edib.

Avtosfer.az-ın Dövlət Statistika Komitəsinin məlumatları əsasında apardığı hesablamalarına əsasən, bu, 2025-ci ilin eyni dövrünün göstəricisindən dəyər ifadəsində 68 %, kəmiyyət olaraq – 47 % çoxdur.

Azərbaycan Bolqarıstandan 33 milyon 383 min ABŞ dolları dəyərində (1 il əvvəlki göstəricidən 28 dəfə artıb) 28 min 64 ton (+20 dəfə), Rusiyadan 27 milyon 148 min ABŞ dolları dəyərində (-38 %) 31 min 241 ton (-40 %), Belarusdan 18 milyon 793 min ABŞ dolları dəyərində (+3,4 dəfə) 21 min 461 ton (+3,1 dəfə), Birləşmiş Ərəb Əmirliklərindən 7 milyon 606 min ABŞ dolları dəyərində 9 min ton (1 il əvvəl tədarük olmayıb), Yunanıstandan 5 milyon 380 min ABŞ dolları dəyərində 6 min 33 ton (1 il əvvəl tədarük olmayıb) benzin alıb.

Hesabat dövründə Azərbaycan 3,86 milyon ABŞ dolları dəyərində (+39 %) 5 min 517 ton (+32 %) "Premium" markalı benzin ixrac edib.

Azərbaycan Gürcüstana 2,69 milyon ABŞ dolları dəyərində (-3,2 %) 3 min 773 ton (-10 %) və Ermənistana 1,16 milyon ABŞ dolları dəyərində 1 min 743 ton benzin satıb.