Azərbaycanda 175 min manata mobil nömrə satılır - FOTO

Bəzi insanlar işlətdikləri telefon nömrəsinin və ya avtomobilinin dövlət qeydiyyat nişanının daha cəlbedici, yəni xüsusi və ya “zerkalnı” olmasını üstün tutur. Onlar bu nömrələrin yadda qalmasını, estetik görünməsini və bəzən də status göstəricisi olmasını vacib sayır. Bu səbəbdən, belə nömrələr bəzən yüksək məbləğlərə satılır.

Avtosfer.az xəbər verir ki, alış-veriş platformalarında satışa çıxarılan xüsusi telefon nömrələrinin qiymətləri bəzən bir mənzil və ya avtomobilin dəyərinə bərabər olur. Məsələn, “Azercell” operatoruna məxsus (060) 211-14-00 nömrəsi 175 min manata təklif olunur.

Bundan əlavə, 130 min, 132 min və 140 min manat qiymətlərlə satışda olan digər oxşar nömrələr də mövcuddur. Satıcılar bu nömrələrin unikal ardıcıllığa malik olduğunu və status simvolu kimi dəyərləndirildiyini bildirirlər.

Belə nömrələrin yüksək qiymətə satılması bazarda süni təlabatla əlaqədardır. Hər halda, görünən odur ki, xüsusi nömrə sahibi olmaq bəzi insanlar üçün hələ də prestij məsələsi olaraq qalır.

Eltac Zülfüqaroğlu