Azərbaycanda helikopter satılır - 100 min manata

Azərbaycanda Mİ-8 MTV1 helikopteri hərraca çıxarılacaq. Avtosfer.az Oxu.az-a istinadən xəbər verir ki, bu barədə Əmlak Məsələləri Dövlət Komitəsinin yaydığı məlumatda bildirilib.

Helikopter 1991-ci ildə istehsal olunub. "Azərbaycan Hava Yolları" QSC-yə aiddir. Bu hava nəqliyyatı vasitəsinin start qiyməti 100 min manat olacaq.

Qeyd edək ki, Mİ-8 MTV1 helikopter planeri hazırkı texniki vəziyyətinə görə istismar üçün yararsızdır.

Hərrac oktyabr ayının 1-də keçiriləcək.