Azərbaycanda icra başçısının oğlunun dəbdəbəli toy karvanı - VİDEO

Ölkədə korrupsiya ilə məşğul olan icra başçılarının həbsi gündəmdə olduğu bir vaxtda Göyçay rayonunun icra başçısı oğlunun toyu ilə xəbərə çevrilib. Rayonun icra başçısı Mehdi Səlimzadə bu günlərdə oğlunu evləndirib. İcra başçısının oğlunun dəbdəbəli toy karvanının videosu sosial şəbəkələrdə yayılıb.

Karvanı sayrışan işıqlarla bəzədilmiş (hansı ki, bu, qanunla qadağandır) lüks maşınlar müşayiət edir.

***

Məsələ ilə bağlı rayon İcra Hakimiyyətindən “Yeni Sabah”a bildirilib ki, yaxın keçmişdə M. Səlimzadənin oğlu ailə həyatı qurmayıb: “İcra başçısının oğlu 2005-ci ildə ailə həyatı qurub. Yayılan məlumat həqiqətə uyğun deyil”.