Azyaşlının ölümünə səbəb olan avtobus sürcüsünün məhkəməsi başlayır

Yevlax rayonunda azyaşlının ölümü ilə nəticələnən yol-nəqliyyat hadisəsi törətməkdə təqsirləndirilən Adil Qasımovun cinayət işi üzrə ibtidai istintaq başa çatıb. Avtosfer.az-ın "Report"a istinadən xəbərinə görə, cinayət işi baxılması üşün Yevlax Rayon Məhkəməsinə göndərilib. Hakim Günay Cavadovanın icraatında olan iş üzrə hazırlıq iclası yaxın günlərdə keçirləcək.

Qeyd edək ki, hadisə bu ilin aprelin 25-də Yevlax rayonunun Qoyunbinəsi kəndi ərazisində baş verib. A.Qasımov idarə etdiyi “PAZ-3205” markalı avtobusla yolu keçən kənd sakini, azyaşlı L.Əsgərovanı vurub. Xəstəxanaya yerləşdirilmiş uşaq dünyasını dəyişib.

A.Qasımova Cinayət Məcəlləsinin 263.2.2 (Yol hərəkəti və nəqliyyat vasitələrinin istismarı qaydalarını pozma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham verilib.