Bakı-Ağstafa-Qazax sərnişin qatarı ləğv edilir

"Azərbaycan Dəmir Yolları" QSC iyulun 15-dən Bakı-Ağstafa-Qazax sərnişin qatarını ləğv edəcək. Bu barədə Avtosfer.az-a QSC-dən bildirilib. Məlumata əsasən, sərnişinlər bu istiqamət üzrə Bakı-Böyük Kəsik qatarından istifadə edə biləcəklər. “İyulun 15-dən Bakı-Ağstafa-Qazax qatarı ləğv olunacaq və bu istiqamətdə yalnız bir qatar - Bakı-Böyük Kəsik hərəkət edəcək”, - deyə QSC-dən bildirilib. "Azərbaycan Dəmir Yolları"dan həmçinin qeyd ediblər ki, bu qərar qatarların hərəkətinin optimallaşdırılması məqsədi ilə verilib.