Bakı metrosu yarım saat artıq işləyəcək

"Qarabağ"ın oyununu stadionda izləyənlərin nəzərinə!

Məlumdur ki, "Qarabağ" futbol klubu bu gün saat 21:55-də başlamaqla Tofiq Bəhramov adına Respublika stadionunda UEFA Avropa Liqasının qrup mərhələsi çərçivəsində son oyununu keçirəcək.

  “Bakı Metropoliteni” QSC-nin mətbuat xidmətindən Avtosfer.az-a bildirib ki,    qarşılaşmanı arenadan canlı izləyəcək tamaşaçılar 00:30-a qədər metropolitenin "Gənclik" stansiyasına daxil ola və qatarlarla mənzil başına çata bilərlər.
Onu da əlavə edək ki, digər stansiyaların girişi adi iş vaxtı qaydası ilə saat 00:00-da bağlanacaq.