Bakı metrosunda "Apple Pay" və "Google Pay" ilə ödəniş mümkün ola bilər - RƏSMİ

Bakı metropolitenində gediş haqqının ödənilməsi üsullarının genişləndirilməsi istiqamətində işlər davam etdirilir.

Avtosfer.az xəbər verir ki, bu barədə "Bakı Metropoliteni" QSC BAKU.WS-in sorğusuna cavab olaraq məlumat verib.

Qurumdan bildirilib ki, hazırda metropolitendə plastik kartlar və QR bilet sistemi ilə ödənişlər aparılır. Bununla yanaşı, təmasız ödəniş üsullarının tətbiqi məqsədilə aidiyyəti qurumlarla intensiv işlər görülür.

Məlumata görə, məqsəd yaxın gələcəkdə bank kartları, "Google Pay" və "Apple Pay" kimi ödəniş imkanlarının yaradılmasıdır.

"Müvafiq işlər başa çatdırıldıqdan sonra ictimaiyyətə ətraflı məlumat veriləcək," – deyə qurumdan qeyd olunub.