Bakı metrosunda gediş haqqının artdığını deyən saxta səhifə yaranıb - Qurum HƏRƏKƏTƏ KEÇDİ - FOTO

Son günlər "TikTok" sosial şəbəkəsində "Bakı Metropoliteni" QSC-nin adı ilə fəaliyyət göstərən səhifə cəmiyyətdə narahatlıq yaratmağa başlayıb. Sözügedən səhifə metroda qiymət artımı və digər önəmli mövzular barədə paylaşımlar edərək ictimaiyyətdə çaşqınlıq yaradır, səhifəni idarə edən şəxs isə profili "rəsmi hesab" kimi təqdim edir.

Avtosfer.az oxu.az-a istinadən xəbər verir ki,"Bakı Metropoliteni" QSC cavab olaraq bildirilib ki, həmin səhifə saxtadır:

"Bu səhifənin "Bakı Metropoliteni" QSC-yə heç bir aidiyyəti yoxdur. Vətəndaşlar ancaq "Facebook", "Instagram", "Linkedin" və "X" platformalarındakı rəsmi səhifələrimizi izləyərək məlumat ala bilərlər.

Sözügedən səhifənin bağlanması istiqamətində işlər görürük", - açıqlamada deyilir.