Bakı-Sumqayıt yolunda hərəkət məhdudlaşdırılıb: YPX ərazidə xidmət aparır - FOTO - VİDEO

Bakı-Sumqayıt yolunda kommunikasiya xətlərinin dəyişdirilməsinə görə avtomobillər üçün hərəkət qismən məhdudlaşdırılıb. Bu barədə Avtosfer.az-a Baş Dövlət Yol Polisi idarəsinin İctimaiyyətlə Əlaqələr şöbəsinin rəisi Rüfət Quliyev məlumat verib.

Onun sözlərinə görə, Bakı-Sumqayıt yolunun üzü Sumqayıt istiqamətində 10.5 -ci kilometrindən 11.5 -ci kilometrinədək (Xırdalan dairəsindən Masazır dairəsi istiqmətində) olan ərazidə dünəndən etibarən təmir işləri aparıldığı üçün avtomobillərin hərəkəti qismən məhdudlaşdırılıb. Təmir işləri bir neçə gün davam edəcək.

Sürücülərə alternativ yollardan istifadə etmələri tövsiyə olunur.

Qeyd edək ki, Ekologiya postunun əməkdaşları ərazidə fasiləsiz xidmət apararaq hərəkəti tənzimləyir.

Namiq