Bakıda 18 yaşlı gənc oğlan bıçaqlanıb

Paytaxtın Sabunçu rayonunda bıçaqlanma hadisəsi baş verib. Avtosfer.az-ın "Report"a istinadən məlumatına görə, 2001-ci il təvəllüdlü Mustafayev Anar Şəmsəddin oğlu mübahisə zəminində tanışı tərəfindən bıçaqlanıb. Yaralı "təcili yardım"ın köməkliyi ilə xəstəxanaya çatdırılıb. Ona baldır nahiyəsinin kəsilmiş-deşilmiş yarası diaqnozu qoyulub və reanimasiya şöbəsinə yerləşdirilib. Vəziyyəti orta-ağır qiymətləndirilir.

Faktla bağlı Sabunçu Rayon Polis İdarəsində araşdırma aparılır.